କଳାହାଣ୍ଡି:ଭବାନୀପାଟଣା, ଆସନ୍ତା ୯ ରୁ ୧୧ ତାରିଖ ପର୍ଯ୍ୟନ୍ତ ଅନୁଗୁଳ ଜିଲ୍ଲା ବିଜୁ ପଟ୍ଟନାୟକ ଇଣ୍ଡୋର ଷ୍ଟେଡିୟମ୍ ଠାରେ ୨୯ତମ ରାଜ୍ୟ ଉଷୁ ପ୍ରତିଯୋଗିତା ପାଇଁ ଅନୁଗୁଳ ଜିଲ୍ଲା ଉଷୁ ସଂଘ ଦ୍ଵାରା ଆୟୋଜନ କରାଯାଉଛି । ଯାହା ଅନୁଗୁଳ ଜିଲ୍ଲା ପ୍ରଶାସନଙ୍କ ସହଯୋଗ ଏବଂ ଉଷୁ ସଂଘ ଓଡିଶା ନୂତନ ଅଧ୍ୟକ୍ଷ ଇଂ . ଏସ୍ . ଏସ୍ . ହରିଚନ୍ଦନ , ଟେକ୍ନିକାଲ ନିର୍ଦ୍ଦେଶକ ପ୍ରଦ୍ୟୁମ୍ନ ବେହେରା , ସଭାପତି ଡ . ବିଷ୍ଣୁ ମୋହନ ମହାନ୍ତି , ଉପ ସଭାପତି ପୃଥ୍ବୀରାଜ ହରିଚନ୍ଦନ , ସାଧାରଣ ସଂପାଦକ ଇଂ . ଯୁବରାଜ ହରିଚନ୍ଦନ , ଯୁଗ୍ମ ସଂପାଦକ ଅନୁରାଧା ଦୋରା , କୋଷାଧ୍ୟକ୍ଷ ସ୍ଵରୂପା ବେହେରାଙ୍କ ଅନୁଧ୍ୟାନରେ ରାଜ୍ୟ ଉଷୁ ଦ୍ଵାରା ସିକୃତିପ୍ରାପ୍ତ ପ୍ରତିଯୋଗିତାରେ ସମସ୍ତ ଜିଲ୍ଲାରୁ ଉଷୁ ଖେଳାଳି ମାନେ ଭାଗନେବେ । ସେଥୁମଧ୍ୟରୁ କଳାହାଣ୍ଡି ଜିଲ୍ଲାରୁ ୩ ଉଷୁ ଖେଳାଳି ମନୋନୀତ ହୋଇଛନ୍ତି । ସେମାନେ ହେଲେ ଭୁମିତ୍ ଭରଦ୍ଵାଜ ଭୋଇ ଏବଂ ପୃଥ୍ବୀରାଜ ଉରାଶଙ୍କର ତାଉଲୁ ଇଭେଣ୍ଟରେ ଭାଗନେବାକୁ ଥିବା ବେଳେ ବାର୍ଗୀସ୍ ନାଏକ ଫାଇଟିଙ୍ଗ ଇଭେଣ୍ଡ ( ସାଣ୍ଡା ) ୨୦ କେଜି ୭ ବର୍ଷ ବୟସ ବିଭାଗରେ ଭାଗନେବେ । ଉଷୁ ସଂଘର ସଭାପତି ଜତିନ୍ଦ୍ର ସାହୁ ଓ ସାଧାରଣ ସଂପାଦକ ଏବଂ କୋଚ୍ କୃଷ୍ଣଚନ୍ଦ୍ର ସାହୁ ଖେଳାଳି ମାନଙ୍କୁ ସୁଭେଚ୍ଛା ଜଣାଇବା ସହ ସୂଚନା ଦେଇଛନ୍ତି । ଏହି ଖେଳାଳି ମାନେ ଆଗକୁ ଖେଳି ଜିଲ୍ଲା ପାଇଁ ଗୌରବ ଆଣିବେ ।
