କଳାହାଣ୍ଡି:(ନ୍ୟୁଜଗ୍ୟାଲେରି) କଳାହାଣ୍ଡି ଜିଲ୍ଲା ଅବକାରୀ ବିଭାଗ ଚଢ଼ାଉ କରି ପିକ୍ଅପ୍ ଭ୍ୟାନ୍ (ଓଡି ୩୩ଏସି ୯୧୨୦) ରୁ ୭ କ୍ୱିଣ୍ଟାଲ ୧୩ କେଜି ଗଞ୍ଜେଇ ଜବତ କରାଯାଇଛି। କଳାହାଣ୍ଡି ଜିଲ୍ଲା ଲାଞ୍ଜିଗଡ଼-ଛତିଗୁଡା ସିକେରକୁପା ଗାଁ ନିକଟରେ ଅବକାରୀ ବିଭାଗ ଚଢ଼ାଉ କରିଥିଲା। ଏହି ଘଟଣା ରେ ପୁରୀ ଜିଲ୍ଲା ଗୋପଥାନା ଅନ୍ତର୍ଗତ ବାଲିକନ୍ଦଳ ଗ୍ରାମର ରମେଶ ଜେନା (୩୩)ଙ୍କୁ ଗିରଫ କରିଛି ଅବକାରୀ ବିଭାଗ। ଜବତ ଗଞ୍ଜେଇ ଓ ଗାଡ଼ିର ଆନୁମାନିକ ମୂଲ୍ୟ ୭୯ ଲକ୍ଷ ୩୦ ହଜାର ହେବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି। ଅବକାରୀ ମୋବାଇଲ ୟୁନିଟ ର ଏସ୍ଆଇ ଦିଲୀପ କିଣ୍ଡୋ, ନର୍ଲା ଅବକାରୀ ଅଧିକାରୀ ପ୍ରଶାନ୍ତୀ ସ୍ୱାଇଁ, ଏଏସ୍ଆଇ ଭି.ବିଶ୍ୱେଶ୍ୱର ରାଓ, ଇନ୍ସପେକ୍ଟର ସୁଶାନ୍ତ ପ୍ରଧାନ ଅବକାରୀ ବିଭାଗର ପ୍ରମୁଖ ଶାମିଲ ଥିଲେ।
