ନ୍ୟୁଜ ଗ୍ୟାଲେରି,ଧର୍ମଗଡ,ବେହେରା(ଭୂପେଶ ତିୱାରୀ)କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ବେହେରା ଗ୍ରାମ ବିଜୁ ଏକ୍ସପ୍ରେସ ୱେ ପେଟ୍ରୋଲ ପମ୍ପ ନିକଟ ରେ ଥିବା ଏକ ହାର୍ଡୱେର ଦୋକାନ ରେ ଗତ ଶନିବାର ରାତ୍ରି ରେ ଏକ ବଡ ଧରଣ ର ଚୋରି ହୋଇଥିଲା।ଦୋକାନ ମାଲିକ ପ୍ରମୋଦ ଅଗ୍ରୱାଲ ରବିବାର ସକାଳ ରେ କର୍ମଚାରୀ ମାନଙ୍କ ସହ ଦୋକାନ ଖୋଲିଲା ବେଳକୁ ଚୋରି ହୋଇଥିବା ଜାଣିବାକୁ ପାଇଲେ ଓ କୋକସରା ପୋଲିସ ଥାନାରେ ଲିଖିତ ଅଭିଯୋଗ କରିଥିଲେ।
କୋକସରା ପୋଲିସ ସଦଳବଳ ଆସି ତନଖି କରିଥିଲେ।ଦୋକାନ ର ଛାତ ଉପରେ ଥିବା ଏକ ଛୋଟ ଗେଟ କୁ ଉପାଡ଼ି ଚୋର ମାନେ ଦୋକାନ ଭିତରକୁ ପ୍ରବେଶ କରି, ଲକର ଭାଙ୍ଗି ଥିବା,ତଥା ସିସି ଟିଭି ତାର କୁ କାଟି ରିଶିଭର କୁ ନେଇ ଯାଇଥିବା ପ୍ରାଥମିକ ତଦନ୍ତ ରେ ଜଣା ପଡିଥିଲା। ଲକର୍ ରୁ ପ୍ରାୟ ୧ଲକ୍ଷ ୮୦ହଜାର ଟଙ୍କା ଓ ଅନ୍ୟାନ୍ୟ ବହୁମୂଲ୍ୟ ସାମଗ୍ରୀ ନେଇଯାଇଥିବା ଦୋକାନ ମାଲିକ ଅଭିଯୋଗ କରିଛନ୍ତି। ଚୋରି ହୋଇ ତିନି ଦିନ ପରେ ମଧ୍ୟ ପୋଲିସ ପକ୍ଷରୁ ତଦନ୍ତ ରେ ମନ୍ଥରତା କୁ ନେଇ ଦୋକାନ ମାଲିକ ସହ ଅଞ୍ଚଳ ବାସି କ୍ଷୋଭ ପ୍ରକାଶ କରିଛନ୍ତି। ବେହେରା ଠାରୁ କୋକସରା ଓ ଧର୍ମଗଡ ଥାନା ବହୁ ଦୂରତା ରେ ଥିବା ଓ ବେହେରା ଏକ ବ୍ୟବସାୟିକ ପେଣ୍ଠସ୍ଥଳୀ ହୋଇଥିବା କାରଣରୁ ଚୋର ଡକାୟତ ଙ୍କ ନଜର ରହିଛି,ଫଳ ସ୍ୱରୂପ ଏହି ଅଞ୍ଚଳରେ ଚୋରି ଡକାୟତି ଘଟଣା ବୃଦ୍ଧି ପାଇବାରେ ଲାଗିଛି। ଚୋରି ଘଟଣା ସମ୍ପର୍କରେ କୋକସରା ଆଇଆଇସି ସ୍ନିଗ୍ଧା ରାଣି ସୁନା ଙ୍କ ପ୍ରତିକ୍ରିୟା ନେବାପାଇଁ ଚେଷ୍ଟା କରିଥିଲେ ମଧ୍ୟ ସେ କଲ ରିଶିଭ କରିନଥିଲେ।
Latest entries
ରାଜ୍ୟ ଜିଲ୍ଲା ଖବରJune 30, 2025ରାୟଗଡ଼ା ସରସ୍ବତୀ ଶିଶୁ ବିଦ୍ୟା ମନ୍ଦିର ଠାରେ “ସଙ୍କୁଳ ସୁରୀୟ ମେଧାବୀ ଅଭିନନ୍ଦନ” କାର୍ଯ୍ୟକ୍ରମ ଅନୁଷ୍ଠିତ
ଜିଲ୍ଲା ଖବରJune 28, 2025ଯାଦବ ସମ୍ପ୍ରଦାୟ କୁ ବିବାଦୀୟ ମନ୍ତବ୍ୟ ଘଟଣା କୁ ନେଇ ମାମଲା ରୁଜୁ 
ଜିଲ୍ଲା ଖବରJune 28, 2025ଜିଲ୍ଲା ସ୍ତରୀୟ ମ୍ୟାଲେରିଆ,ଡେଙ୍ଗୁ,ଡାଇରିଆ ନିରାକରଣ, ଅନ୍ତ ବିଭାଗୀୟ ଏକାଭିମୁଖୀ ବୈଠକ
ଜିଲ୍ଲା ଖବରJune 26, 2025ଆନ୍ତର୍ଜାତୀୟ ନିଶାଦ୍ରବ୍ୟ ସେବନ କାରବାର ଓ ଅବୈଧ ଚାଲାଣ ବିରୋଧ ଦିବସ ପାଳିତ
