ନ୍ୟୁଜ ଗ୍ୟାଲେରି,ଭବାନୀପାଟଣା, ମାଣିକେଶ୍ବରୀ ସରକାରୀ ଉଚ୍ଚ ବିଦ୍ୟାଳୟର ଦଶମ ଶ୍ରେଣୀ ଛାତ୍ର ଆଶୁତୋଷ ମେହେର ଚଳିତ ଶିକ୍ଷାବର୍ଷ ୨୦୨୪-୨୦୨୫ ରେ ବାଳ ବୈଜ୍ଞାନିକ ପ୍ରଦର୍ଶନୀ ରେ ଭାଗ ନେଇ ନିଜର ପ୍ରକଳ୍ପ ପ୍ରଦର୍ଶନ କରିଥିଲେ। ତାଙ୍କର Sub-theme ଥିଲା “Transport and Communication” ଏବଂ ତାଙ୍କ ପ୍ରକଳ୍ପର ନାମ ଥିଲା, “Micro Drone for Army Protection”।
ସେ ଏହି ପ୍ରଦର୍ଶନୀ ରେ ବିଦ୍ୟାଳୟସ୍ତର, ବ୍ଲକ ସ୍ତର ଓ ଜ଼ିଲ୍ଲାସ୍ତରରେ ପ୍ରଥମ ସ୍ଥାନ ଅଧିକାର କରି ପୁରସ୍କୃତ ହୋଇ ରାଜ୍ୟସ୍ତର ବାଳ ବୈଜ୍ଞାନିକ ପ୍ରଦର୍ଶନୀକୁ ମନୋନୀତ ହୋଇଥିଲେ। ଗତ ଡିସେମ୍ବର ୧୮ରୁ ୨୦ତାରିଖ ପର୍ଯ୍ୟନ୍ତ ବରଗଡ଼ ଜ଼ିଲ୍ଲାର ବରପାଲି ଠାରେ ରାଜ୍ୟ ସ୍ତରୀୟ ବାଳ ବୈଜ୍ଞାନିକ ପ୍ରଦର୍ଶନୀ ୨୦୨୪-୨୫ ଅନୁଷ୍ଠିତ ହୋଇଥିଲା। ସେଠାରେ ମଧ୍ୟ ଶ୍ରୀ ମେହେର ଭାଗନେଇ ନିଜର ପ୍ରକଳ୍ପ ପ୍ରଦର୍ଶନ କରିଥିଲେ ଏବଂ ସମଗ୍ର ରାଜ୍ୟ ରେ ନିଜର Sub -theme(Transport and Communication) ରେ ଦ୍ଵିତୀୟ ସ୍ଥାନ ଅର୍ଜନ କରି ପୁରସ୍କୃତ ହୋଇ” Eastern India Science and Engineering Fair 2025″କୁ ମନୋନୀତ ହେବା ପାଇଁ ଯୋଗ୍ୟ ବିବବଚିତ ହୋଇ ଥିଲେ। ଏହା ଆମ କଳାହାଣ୍ଡି ଜ଼ିଲ୍ଲା ପାଇଁ ଏକ ଗୌରବର କଥା କାରଣ ସେ ଏକ ମାତ୍ର ଛାତ୍ର ସମଗ୍ର କଳାହାଣ୍ଡି ଜ଼ିଲ୍ଲାରୁ ମନୋନୀତ ହୋଇଥିଲେ। ଗତ ଜାନୁଆରୀ ୭ ରୁ ୧୦ ପର୍ଯ୍ୟନ୍ତ ଚାରି ଦିନ ବ୍ୟାପି Kolkataର Birla Industrial and Technological Museum(BITM )ରେ Eastern India Science and Engineering Fair 2025 ଅନୁଷ୍ଠିତ ହୋଇଥିଲା।
ଏଥିରେ ମେହେର ଭାଗନେଇ ନିଜର ପ୍ରକଳ୍ପ ପ୍ରଦର୍ଶନ କରିଥିଲେ। ତାଙ୍କର ଉପସ୍ଥାପନା ଶୈଳୀରେ ସେ ସମସ୍ତ ବିଚାରକ ମଣ୍ଡଳୀ ଏବଂ ଦର୍ଶକମାନଙ୍କୁ ମୁଗ୍ଧ କରି ସମସ୍ତଙ୍କ ମନ ଜିଣି ନେଇ ଥିଲେ। ଆଗକୁ ସେ National Level ରେ ହେବାକୁ Thiba Science Fairରେ ଯୋଗ ଦେବା ପାଇଁ ପ୍ରସ୍ତୁତ ଜାରି ରଖିଛନ୍ତି।ଏହି ସମସ୍ତ କାର୍ଯ୍ୟରେ ଓ ସବୁସ୍ତରରେ ଏହି ବିଦ୍ୟାଳୟର ବରିଷ୍ଠ ବିଜ୍ଞାନ ଶିକ୍ଷୟତ୍ରୀ ତମସା ମହାପାତ୍ର, ଶ୍ରୀ ମେହେରଙ୍କର Guide Teacher ରହି ଆସିଛନ୍ତିଏବଂ ତାଙ୍କୁ ମାଣିକେଶ୍ବରୀ ଉଚ୍ଚ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟତ୍ରୀଙ୍କ ସଠିକ ମାର୍ଗ ଦର୍ଶନ ଓ ପ୍ରକଳ୍ପ ନିର୍ମାଣରେ ସାହାଯ୍ୟ ଓ ସହଯୋଗ କରିଛନ୍ତି।
Editor, News Gallery
Mob: 9439506580
Email: newsgallery.in@gmail.com
