ନ୍ୟୁଜଗ୍ୟାଲେରି, ଭବାନୀପାଟଣା: ଜିଲ୍ଲା ସ୍ତରୀୟ ମିଳିତ ଅମଲା ମଞ୍ଚ କଳାହାଣ୍ଡି ଶାଖାର ବୈଠକ ଅଧ୍ୟକ୍ଷ ଜିତେନ୍ଦ୍ର କୁମାର ମୁଣ୍ଡଙ୍କ ଅଧ୍ୟକ୍ଷତାରେ ଭବାନୀପାଟଣା ସ୍ଥିତ ଅମଲା ଭବନ ଠାରେ ଅନୁଷ୍ଠିତ ହୋଇଥିଲା । ବୈଠକରେ ଆନ୍ଦୋଳନ ପ୍ରତ୍ୟାହୃତ ହେବାର ୨୦ ଦିନ ଅତିବାହିତ ହେଲା ପରେ ମଧ୍ୟ ଦାବି ପୂରଣ ଦିଗରେ ଓଡିଶା ସରକାର କୋଣସି ପଦକ୍ଷେପ ନ ନେବାରୁ ଆସନ୍ତା ୨୧ତାରିଖ ଦିନ ଠାରୁ ପୁଣି ଥରେ ଜିଲ୍ଲାରେ କାର୍ଯ୍ୟରତ ଅମଲା ସାମୁହିକ ଛୁଟି ରେ ଯିବା ପାଇଁ ପ୍ରସ୍ତାବ ଗ୍ରହଣ କରାଯାଇ ରାଜ୍ୟ ଶାଖା କୁ ପ୍ରେରଣା କରାଯାଇଥିବା ବୈଠକରେ ଆଲୋଚନା ହୋଇଥିଲା। 
ଏହି ବୈଠକରେ ୫ଟି ସଚିବଙ୍କ ପରାମର୍ଶ ଓ ଆଶ୍ୱାସଦା ରେ ଆନ୍ଦୋଳନ ସାମୟିକ ଥିବାରୁ ପୁଣି ଥରେ ତାଙ୍କୁ ଦାବି ପୂରଣ ପାଇଁ ପଦକ୍ଷେପ ନେବାକୁ ଜିଲ୍ଲା ସ୍ତରୀୟ ପ୍ରସ୍ତାବ ଗୃହୀତ ହୋଇ ରାଜ୍ୟ ସାଖାକୁ ପଠାଯାଇଛି। ଉକ୍ତ ବୈଠକରେ ଜିଲ୍ଲାରେ କାର୍ଯ୍ୟରତ ଶତାଧିକ ଅମଲା ଅଂଶ ଗ୍ରହଣ କରି ନିଜ ନିଜ ସୁଚିନ୍ତିତ ମତାମତ ଉପସ୍ଥାପନା କରିଥିଲେ। 
ଏହି ବୈଠକରେ ଓଡିଶା ଅମଲା ସଂଘ କଳାହାଣ୍ଡି ଶାଖା ସଭାପତି ସୁକାନ୍ତ ମହାପାତ୍ର, ଟେଜେରୀ ଅମଲା ସଂଘରୁ ସମରେନ୍ଦ୍ର ପଣ୍ଡା, ରାଜସ୍ୟ ଅମଲା ସଂଘରୁ ଅଜିତ କୁମାର ସାହୁ ଭବାନୀପାଟଣା ବ୍ଲକ ମିଳିତ ଅମଲା ମଞ୍ଚ ଅଧ୍ୟକ୍ଷ ବ୍ରଜମୋହନ ମୁଣ୍ଡ ମଞ୍ଚାସିନ ରହିଥିଲେ। ଏହି ବୈଠକରେ ଟଙ୍କଧର ସାହୁ, ବିଶ୍ୱନାଥ ପଣ୍ଡା, କୁରୁକ୍ଷେତ୍ର ବାଗ, ନବୀନ ବିଶି, ଜଗତରାମ ଗହୀର ଏବଂ ଅନ୍ୟାନ୍ୟ ଅମଲା ମାନେ ବୈଠକରେ ଉପସ୍ଥିତି ରହିଥିଲେ।
