ନ୍ୟୁଜଗ୍ୟାଲେରି,ଭବାନୀପାଟଣା: ସ୍ମାରକୀ ନାଟ୍ୟ ସଂସ୍ଥା’ ତରଫରୁ ସ୍ଥାନୀୟ ଟାଉନ୍ ହଲ୍ ଠାରେ ନାଟ୍ୟରଶ୍ମି ପ୍ରଫୁଲ୍ଲ ରଥ ସ୍ମାରକୀ ଜାତୀୟ ନାଟକ ମହୋତ୍ସବ ର ଦ୍ଵିତୀୟ ସନ୍ଧ୍ୟାର କାର୍ଯ୍ୟକ୍ରମରେ ମୁଖ୍ୟ ଅତିଥି କେନ୍ଦ୍ର ସମବାୟ ବ୍ୟାଙ୍କ ସଭାପତି ଗିରୀଶ ଚନ୍ଦ୍ର ବେହେରା,ବରିଷ୍ଠ ଶିକ୍ଷାବିତ୍ ଡ.ଅଜୟ କୁମର ମିଶ୍ର, ବିଶିଷ୍ଟ ଅଭିନେତା ଜଗନ୍ନାଥ ମୁଣ୍ଡ ଏବଂ ମହାବୀର ସାଂସ୍କୃତିକ ଅନୁଷ୍ଠାନର ସାଧାରଣ ସମ୍ପାଦକ ସତ୍ୟନାରାୟଣ ସିଂ ପ୍ରମୁଖ ଯୋଗଦେଇ ଉଦବୋଧନ ଦେଇଥିଲେ।
କାର୍ଯ୍ୟକ୍ରମର ସଭାପତିତ୍ଵ କରିଥିଲେ ସ୍ମାରକୀ ନାଟ୍ୟ ସଂସ୍ଥାର ସଭାପତି ପ୍ରବୋଧ ରଥ। ଆଜିର ଦ୍ଵିତୀୟ ସନ୍ଧ୍ୟାରେ ପରିବେଷିତ ହୋଇଥିଲା ନାଟକ “ଲଙ୍ଗ୍ ମାର୍ଚ୍ଚ”। ଲଙ୍ଗ ମାର୍ଚ୍ଚର ଏକ ଐତିହାସିକ ପ୍ରାସଙ୍ଗିକତା ଅଛି। ଏହା ବୈପ୍ଳବିକ ଯୁଦ୍ଧକୁ ଯଥାର୍ଥ କରେ ଯାହା ବିଷୟରେ ସମସ୍ତେ ଜାଣନ୍ତି। ଗୋଟିଏ ଠେକୁଆ ଓ ଅନ୍ୟଟି କଇଁଛର କାହାଣୀ। ପରମ୍ପରା ଅନୁଯାୟୀ, ଦୁଇଟି ଦଳ ମଧ୍ୟରେ ଏକ ଦୌଡ଼ ଚାଲିଥାଏ। ଏହି ଦୌଡ ଦଶଟି ଭାଗକୁ ନେଇ ଗଠିତ, ପ୍ରତ୍ୟେକ ଭାଗ ଶେଷରେ ସମସ୍ତ ସୁବିଧା ସହିତ ଏକ ବିଶ୍ରାମ କକ୍ଷର ବ୍ୟବସ୍ଥା କରାଯାଇଛି। କାରଣ ଠେକୁଆ ଦ୍ରୁତ ଗତିରେ ଦୌଡ଼ିପାରେ ଏବଂ ସେଠାରେ ବିଶ୍ରାମ ନେଇପାରେ କିନ୍ତୁ କଇଁଛ ମନ୍ଥର ଗତିରେ ଚାଲି ସୁଦ୍ଧା ତାକୁ ଦୌଡିବାକୁ ପଡେ।
ଠେକୁଆ ୯ମ ଅର୍ଦ୍ଧରେ ପହଞ୍ଚିବା ପରେ ସେ ଶୋଇପଡିଥିବାବେଳେ କଇଁଛ ଆସି ଧୀରେ ଧୀରେ ତାଙ୍କୁ ଅତିକ୍ରମ କରି ଦୌଡ଼ ଜିତେ ଏବଂ କଇଁଛର ବାଜିମାତ୍ ହୁଏ। ଦୀର୍ଘ ଦିନରୁ ଏହା ସମଦର୍ଶୀ ଦେଶର ପରମ୍ପରା ଏବଂ ରୀତିନୀତି ଥିଲା। ଏହା ହେଉଛି ଦେଶର ମୁଖ୍ୟ ପର୍ବ। ଚଳିତ ବର୍ଷ ମଧ୍ୟ ଠେକୁଆ ଏବଂ କଇଁଛ ଚୟନ ଶେଷ ହୋଇଛି। ରନର୍ସଙ୍କ ନାମ ଘୋଷଣା କରାଯାଇଥିଲା, ସମସ୍ତ ବ୍ୟବସ୍ଥା ସମାପ୍ତ ହୋଇଛି ଏବଂ ତା’ପରେ ଠେକୁଆ ଘୋଷଣା କରିଛି ଯେ ସେ ଏଥର ନବମ ପର୍ଯ୍ୟାୟରେ ଅଟକିବ ନାହିଁ। ବିନା ଅଟକି ୧୦ ପର୍ଯ୍ୟାୟ ଶେଷ କରି ନିଜେ ବିଜେତା ହେବ। ଏହି ନିଷ୍ପତ୍ତି ସହିତ ସମଗ୍ର ଦେଶରେ ଚର୍ଚ୍ଚା ହୋଇଛି। ପୁରାତନ ପରମ୍ପରାକୁ ଚ୍ୟାଲେଞ୍ଜ କରାଯାଇଛି ଏବଂ ରାଜା ଏବଂ ଶାସକମାନେ କଣ କରାଯିବ ସେନେଇ ଦ୍ୱନ୍ଦ୍ୱରେ ଅଛନ୍ତି।
କ’ଣ ହେବ? ଠେକୁଆ ଦୌଡ଼ ଜିତିବ କି? କିମ୍ବା ସେ ପୁରୁଣା ପରମ୍ପରା ପରି ହରାଇବାକୁ ବାଧ୍ୟ ହେବେ କି? କଇଁଛ ସହିତ କ’ଣ ହେବ? ଏହି ସବୁ ପ୍ରଶ୍ନର ଉତ୍ତର ରଖିଛି ନାଟକ “ଲଙ୍ଗ୍ ମାର୍ଚ୍ଚ”। ଅଲଟରନେଟିଭ ଲିଭିଂ ଥିଏଟର, କୋଲକାତା ଦ୍ଵାରା ପରିବେଷିତ ଏହି ବଙ୍ଗଳାଭାଷୀ ନାଟକକୁ ବିଶିଷ୍ଟ ନାଟ୍ୟକାର ପ୍ରବୀର ଗୁହା ରଚନା କରିଥିବା ବେଳେ ନିର୍ଦ୍ଦେଶନା ଦେଇଥିଲେ ଯୁବ ନିର୍ଦ୍ଦେଶକ ଶୁଭଦୀପ ଗୁହା। ସହ ନିର୍ଦ୍ଦେଶନା ଦେଇଥିଲେ ଅଭିଜିତ ବିଶ୍ବାସ। ଏଥିରେ ଅରୂପ ମୁଖାର୍ଜୀ, ମୋହନ ଘୋଷ, ଅଭିଜିତ ବିଶ୍ବାସ, ବିକାଶ ବୋସ୍, ବାବୁଲ ପୌଲ, ଶାନ୍ତନୁ ସରକାର, ଶେଖ୍ ଅମିନୁଲ ଇସଲାମ, ଅଭିଷେକ ବର୍ମନ୍, କିଂଶୁକ୍ କର୍ମକାର, ପ୍ରଥମ ଦେ, ଅର୍ପିତା ବର୍ମନ, ଅନୁଷ୍କା ସେନ୍, ପୌଲମି ସେନଗୁପ୍ତା, ମୌସୁମୀ ସେନଗୁପ୍ତା, ସୋନାଲି ଭଟ୍ଟାଚାର୍ଯ୍ୟ, ରୀତିକା ସେନଗୁପ୍ତା, ପ୍ରୀତମ ମଜୁମଦାର, ସୌହ୍ରଦ ରଏ, ସୌମିତ୍ର ଦା, ଶୁଭଦୀପ ଗୁହା ପ୍ରମୁଖ ଅଭିନୟ କରିଥିଲେ। ଏହି ନାଟକରେ ସଙ୍ଗୀତ ନିର୍ଦ୍ଦେଶନା ଶୁଭଦୀପ ଗୁହା ଏବଂ ସୌହ୍ରଦ ରଏ ଦେଇଥିବାବେଳେ ଆଲୋକ ବରୁଣ କର ଏବଂ ସୌମିତ୍ରା ଚାଟାର୍ଜି ସଞ୍ଚାଳନ କରିଥିଲେ। ନାଟକଟି ବେଶ୍ ହୃଦୟସ୍ପର୍ଶୀ ହେବାସହ କଳାକାରଙ୍କ ଅଭିନୟ ଶେଷଯାଏଁ ଦର୍ଶକଙ୍କୁ ବାନ୍ଧି ରଖିଥିଲା। ଟାଉନ୍ ହଲ୍ ରେ ଅଗଣିତ ଦର୍ଶକଙ୍କ ଭିଡ ଏବଂ ଅଜସ୍ର କରତାଳି ଅଭିନେତାଙ୍କୁ ଆହୁରି ଉତ୍ସାହିତ କରିଥିଲା। ଆଜିର କାର୍ଯ୍ୟକ୍ରମରେ ବିରଞ୍ଚି ନାରାୟଣ ମୁଣ୍ଡ ମଞ୍ଚ ପରିଚାଳନା କରିଥିଲେ।
ଏଥିରେ ଶୁଭେନ୍ଦୁ ମହାପାତ୍ର, ଧ୍ୟାନାନନ୍ଦ ପଣ୍ଡା, ଦେବୀ ପ୍ରସାଦ ରଥ, ରାଜେଶ ଦାଶ, ସୌରଭ ମହାପାତ୍ର, ଆଶୁତୋଷ ପୁରୋହିତ, ଆଲୋକ କୁମାର ସାହୁ, ରାମେଶ୍ଵର ତ୍ରିପାଠୀ, ଶୁଭମ୍ ବେହେରା, ଦୀପ୍ତିମୟୀ ସିଂ, ତଥାଗତ ମିଶ୍ର, ସୌମ୍ଯ ରଂଜନ ଜେନା, ଶିବଶକ୍ତି ପୁରୋହିତ, ଦୀପକ ଶର୍ମା, ବିକାଶ ରଞ୍ଜନ ମୁଣ୍ଡ, ଅମରେନ୍ଦ୍ର ମହାନ୍ତି, ଶୁଭାଶିଷ ମହାପାତ୍ର, ଆର୍ଯା ନାୟକ, ପ୍ରିୟଙ୍କା ପଟ୍ଟନାୟକ, ଶାଲିନୀ ମହାପାତ୍ର, ସୁଶୀଲ ଆଚାର୍ଯ୍ୟ, ଅବିନାଶ ଅଗସ୍ତି, ଦୀପକ ଶର୍ମା, ଗୋପିଧର ନାୟର, ପୁଷ୍ପାଞ୍ଜଳି ଦୀପ, ଲିପ୍ସା ମହାରଣା, ପ୍ରଜ୍ଞା ପରିମିତା ନାୟକ, ଲିପ୍ସାରାଣୀ ବାରିକ ପ୍ରମୁଖ ସହଯୋଗ କରିଥିଲେ।
Latest entries
ଜିଲ୍ଲା ଖବରFebruary 21, 2026ସମ୍ଭାବ୍ୟ ଗ୍ରୀଷ୍ମ ପ୍ରବାହ ଜନିତ ପରିସ୍ଥିତିର ମୁକାବିଲା ନିମନ୍ତେ ଜିଲ୍ଲା ସ୍ତରୀୟ ପ୍ରସ୍ତୁତି ବୈଠକ ।
ଜିଲ୍ଲା ଖବରFebruary 17, 2026ବ୍ଲକସ୍ତରୀୟ ଯୁଗ୍ମ ଜନଶୁଣାଣୀ ଶିବିର
ଜିଲ୍ଲା ଖବରFebruary 13, 2026କୋଣାର୍କ ସ୍ପିନିଙ୍ଗ ମିଳ ଲେବର ୟୁନିଅନ୍ ର ଭାରତ ବନ୍ଦ କୁ ସମର୍ଥନ
ଜିଲ୍ଲା ଖବରFebruary 13, 2026କଳାହାଣ୍ଡି ଜିଲ୍ଲା ଯୁବ ବିଜେଡି ସଭାପତି ହେଲେ ଅବିନାଶ
