ନ୍ୟୁଜଗ୍ୟାଲେରି,ଭବାନୀପାଟଣା: କଳାହାଣ୍ଡି ଜିଲ୍ଲାପାଳଙ୍କ କାର୍ଯ୍ୟାଳୟସମ୍ମୁଖ ରାସ୍ତା ରେ ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ ୨୦୨୪ ଉପଲକ୍ଷେ ପଥଉତ୍ସବ ଓ ପଦଯାତ୍ରା ଅନୁଷ୍ଠିତ ହୋଇଯାଇଛି । ଅନୁଷ୍ଠିତ ପଦଯାତ୍ରା କାର୍ଯ୍ୟକ୍ରମରେ ଭବାନୀପାଟଣା ସହର ଉଚ୍ଚମାଧ୍ୟମିକ ଓ ମହାବିଦ୍ୟାଳୟ ର ବହୁ ସଂଖ୍ୟକ ଛାତ୍ରଛାତ୍ରୀ, ସଂପୃକ୍ତ ଶିକ୍ଷାନୁଷ୍ଠାନ ର କର୍ମକର୍ତ୍ତା, ବୁଥ ସ୍ତରୀୟ ଅଧିକାରୀ କ୍ୟାମ୍ପସ ଆମ୍ବାସାଡର(ମୁଁ ବି ମିତା) ସାଧାରଣ ନାଗରିକ, ବିଭାଗୀୟ ଅଧିକାରୀ ଏବଂ ବୁଦ୍ଧିଜୀବୀମାନେ ଅଂଶଗ୍ରହଣ କରି ନଗର ପରିକ୍ରମା ସହ ଭୋଟ ସମ୍ବନ୍ଧୀୟ ସଚେତନତା ସୃଷ୍ଟି କରିଥିଲେ।
ଏହି ପଦଯାତ୍ରା କୁ ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀ ପି ଅନ୍ୱେଷା ରେଡ୍ଡୀ ଶୁଭାରମ୍ଭ କରିଥିଲେ।ଯୋଗ୍ୟ ଭୋଟରଙ୍କ ନାମ ପଞ୍ଜିକରଣ ଏବଂ ଆଶାୟୀ ଭୋଟରଙ୍କ ମଧ୍ୟରେ ସଚେତନତା ସୃଷ୍ଟି କରିବା ଉକ୍ତ କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା । ସାଂସ୍କୃତିକ କାର୍ଯ୍ୟକ୍ରମ ଏବଂ ନିର୍ବାଚନ ପ୍ରକ୍ରିୟା ସମ୍ବନ୍ଧୀୟ ବିଷୟବସ୍ତୁ ଉପରେ ଆଧାରିତ ପଥପ୍ରାନ୍ତ ନାଟକ , ଯୋଗ, ଝୋଟି , ରଙ୍ଗୋଲି ଚିତ୍ରକଳା ଓ ବାଲୁକା କଳା ଇତ୍ୟାଦି ମାଧ୍ୟମରେ ବ୍ୟାପକ ସଚେତନତା ସୃଷ୍ଟି କରାଯାଇଛି । ଏହି ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ ୨୦୨୪ କାର୍ଯ୍ୟକ୍ରମ ଗତ ୨୭.୧୦.୨୦୨୩ ରୁ ଆରମ୍ଭ ହୋଇ ଆସନ୍ତା ୯.୧୨.୨୦୨୩ ପର୍ଯ୍ୟନ୍ତ ଚାଲିବ।ଆଶାୟୀ ଭୋଟର ନିଜର ନାମକୁ ଭୋଟର ତାଲିକା ରେ ଅନ୍ତର୍ଭୁକ୍ତ କରିବାକୁ କିମ୍ବା ପୂର୍ବରୁ ପଞ୍ଜୀକୃତ ଭୋଟର ନିଜର ନାମ ଅପସାରଣ, ସବିଶେଷ ( ନାମ , ଠିକଣା, ତଥ୍ଯ, ଫଟୋ)ସଂଶୋଧନ,ଆଧାର କାର୍ଡ ସଂଯୋଗୀ କରଣ ପାଇଁ ନିକଟସ୍ଥ ବୁଥ୍ କୁ ଯାଇ ବା ନିଜ ମୋବାଇଲ ରେ ଭୋଟର ହେଲ୍ପଲାଇନ ଆପ ଡାଉନଲୋଡ୍ କରି ଅନ୍ ଲାଇନ୍ ମାଧ୍ୟମରେ କରିପାରିବେ।
ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ତନ୍ମୟ କୁମାର ଦରୱାନ୍ ,ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ , ଜିଲ୍ଲା ପରିଷଦ ସଚିନ ପାୱାର ପ୍ରକାଶ, ଉପଜିଲ୍ଲାପାଳ ଡ ବିଶ୍ୱଜିତ୍ ଦାସ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ ନିହାରେନ୍ଦ୍ର ପଣ୍ଡା, ଜିଲ୍ଲା ଶିକ୍ଷା ଅଧିକାରୀ ସୁଶାନ୍ତ ଚୋପ୍ଦାର ,ଡେପୁଟି କଲେକ୍ଟର (ନିର୍ବାଚନ) କିରଣ କୁମାର ମହାନ୍ତି, ସହକାରୀ ଜିଲ୍ଲାପାଳ ଶରତ ସାହୁ,ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ମନୋଜ ବେହେରା, ଜିଲ୍ଲା କ୍ରୀଡା ଅଧିକାରୀ ରମେଶ ଚନ୍ଦ୍ର ପାଢି, କାର୍ଯ୍ୟନିର୍ବାହୀ ଅଧିକାରୀ, ମୁନିସିପାଲିଟି ଭବାନୀପାଟଣା ଚିନ୍ମୟ ନାୟକ, ଅବସରପ୍ରାପ୍ତ ଅଧ୍ୟକ୍ଷ ଅଜୟ ମିଶ୍ର,ହେମନ୍ତ ମୁଣ୍ଡ,ବହୁ ବୁଦ୍ଧିଜୀବୀ,ଏନ୍ ଜି ଓ କର୍ମକର୍ତ୍ତା ଏବଂ ଜିଲ୍ଲା ସ୍ତରର ଅଧିକାରୀ ଉପସ୍ଥିତ ଥିଲେ।
Author Profile
-
Editor, News Gallery
Mob: 9439506580
Email: newsgallery.in@gmail.com
Latest entries
ଜିଲ୍ଲା ଖବରJune 5, 2025ବିକସିତ ଗ୍ରାମ ବିକସିତ ଓଡ଼ିଶା ପାଣ୍ଟି ରେ ଉଦ୍ୟାନ ନିର୍ମାଣ ଭିତ୍ତିପ୍ରସ୍ତନ ସ୍ଥାପନ
ଜିଲ୍ଲା ଖବରJune 3, 2025ରାଜ୍ୟ ସରକାରଙ୍କ ଏକ ବର୍ଷ ପୂର୍ତ୍ତି ଅବସରରେ ଜିଲ୍ଲା ସ୍ତରୀୟ ବିଭିନ୍ନ କାର୍ଯ୍ୟକ୍ରମ ର ଆୟୋଜନ ନିମନ୍ତେ ପ୍ରସ୍ତୁତି ବୈଠକ।
ଜିଲ୍ଲା ଖବରMay 27, 2025ସାମୁହିକ ସାବିତ୍ରୀ ବ୍ରତ ପାଳନ କଲେ ସାଧବା ନାରୀ
ଜିଲ୍ଲା ଖବରMay 25, 2025ଶିକ୍ଷା ଅନୁଷ୍ଠାନରେ ପଛୁଆବର୍ଗ ସଂରକ୍ଷଣ ଏକ ଐତିହାସିକ ନିଷ୍ପତ୍ତି।
