ନ୍ୟୁଜଗ୍ୟାଲେରି,ଭବାନୀପାଟଣା: ଭବାନୀପାଟଣା ସହର ର ବିଭିନ୍ନ ହୋଟେଲ, ଦୋକାନ, ଟିକା ସଂସ୍ଥା ମାନଙ୍କରେ ଶିଶୁ ଶ୍ରମିକ କାମ କରୁଥିବା ନଜରକୁ ଆସିଥିବାବେଳେ ଆଜି ଭବାନୀପାଟଣା ମୁଖ୍ୟ ଚିକିତ୍ସାଳୟ ଛକ ଚତୁର୍ଥ କର୍ମଚାରୀ ସଂଘ ତଳେ ଟିଫିନ ହୋଟେଲ ଦେଇଥିବା ମାଲିକ ବେଆଇନ ଭାବେ ନାବାଳକ ମାନଙ୍କୁ ନିୟୋଜିତ କରିବା ଅଭିଯୋଗ ପାଇ ଭବାନୀପାଟଣା ଟାଉନ ଥାନା ପୋଲିସ ଚଢ଼ାଉ କରି ୩ ନାବାଳକ ଙ୍କୁ ଉଦ୍ଧାର କରିବାସହ ହୋଟେଲର ୨ ଜଣଙ୍କୁ ଅଟକ ରଖିଥିବା ଜଣାପଡିଛି । ତେବେ ନାବାଳକ ମାନଙ୍କୁ ଜିଲ୍ଲା ଶିଶୁ ମଙ୍ଗଳ ସମିତି ରେ ହାଜର କରାଯିବ ବୋଲି ଟାଉନ ଥାନା ଅଧିକାରୀ ପ୍ରଦୀପ କୁମାର ଧାରୁଆ ପ୍ରକାଶ କରିଥିବା ବେଳେ ବେଆଇନ ଭାବେ ଶିଶୁ ମାନଙ୍କୁ ନିୟୋଜିତ କରୁଥିବା ହୋଟେଲ ମାଲିକ ଏବଂ ବିଭିନ୍ନ ସଂସ୍ଥା ମାନଙ୍କ ମାଲିକ ପ୍ରତି ଶକ୍ତ ବ୍ୟବହାର କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି ।
Editor, News Gallery
Mob: 9439506580
Email: newsgallery.in@gmail.com
