ଭବାନୀପାଟଣା ବ୍ଲକ ସେପୁର ସ୍କୁଲ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ପରିଣତହେଲା

306

କଳାହାଣ୍ଡି:ଭବାନୀପାଟଣା,ସଦର ବ୍ଲକ ଅଧିନସ୍ଥ ସେପୁର ସରକାରୀ ଉଚ୍ଚ ବିଦ୍ୟାଳୟ ଚଳିତ ଶିକ୍ଷା ବର୍ଷରୁ +୨ କଳା ବିଭାଗରେ ୧୨୮ଟି ସିଟରେ ନାମ ଲେଖାଇ ଅଧ୍ୟୟନ ନିମନ୍ତେ ସରକାରଙ୍କ ଦ୍ଵାରା ସ୍ବୀକୃତ ପ୍ରାପ୍ତ ହୋଇଛି । ଏହି ଅବସରେ ଛାତ୍ରଛାତ୍ରୀ ତଥା ଅଭିଭାବକଙ୍କ ମଧ୍ୟରେ ସଚେତନତା ନିମନ୍ତେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ତଥା ଅଧ୍ୟକ୍ଷା ଦମୟନ୍ତୀ ସାଗରଙ୍କ ଅଧ୍ୟକ୍ଷତାରେ ଏକ ସଚେତନତା ସଭା ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷ ପ୍ରସନ୍ନ କୁମାର ବାଗଙ୍କ ପ୍ରତ୍ୟକ୍ଷ ତତ୍ବାବଧାନରେ ଆୟୋଜନ କରାଯାଇଥିଲା । ଉକ୍ତ ସଭାରେ ମୁଖ୍ୟ ଅତିଥି ଭାବେ ଭବାନୀପାଟଣା ପଞ୍ଚାୟତ ସମିତି ଅଧ୍ୟକ୍ଷ ପ୍ରଫୁଲ୍ଲ କୁମାର ସାହୁ, ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ, ଟେମଲାଲ ଦୁବେ କେନ୍ଦୁପାଟି ଓ ସେଁପୁର ସରପଞ୍ଚ ଏବଂ ଶିବପ୍ରସାଦ ଉଚ୍ଚ ବିଦ୍ୟାଳୟ ଓ ସାଲେଭଟା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରମୁଖ ଯୋଗଦାନ କରିଥିଲେ । ସଭା କାର୍ଯ୍ୟ ପରିଚାଳନା କରିଥିଲେ ଶିକ୍ଷକ ବିଷ୍ଣୁ ମୋହନ ପରିଡ଼ା ଓ ସହଯୋଗ କରିଥିଲେ ଶିକ୍ଷୟିତ୍ରୀ ସେହନାଜ୍ ଖାତୁନ, ନଜନିନ ଜମାଲ , ଶିକ୍ଷକ ଚୁଲେଶ୍ୱର ନାଏକ, ମନବୋଧ ଯାନି ଓ ମନୋଜ କୁମାର ମହାନ୍ତି । ରାଜ୍ୟ ସରକାରଙ୍କ ଏଭଳି ନିଷ୍ପତିକୁ ସମସ୍ତ ବୁଦ୍ଧିଜୀବି ସ୍ୱାଗତ କରିଥିଲେ ।