କଳାହାଣ୍ଡି ଜିଲ୍ଲା ବନ୍ୟା, ବାତ୍ୟା ଉଦ୍ଧାରସମ୍ପର୍କିତ ବୈଠକ

483

କଳାହାଣ୍ଡି:ଭବାନୀପାଟଣା,କଳାହାଣ୍ଡି ଜିଲ୍ଲାପାଳଙ୍କ ସମ୍ମିଳନୀ ଗୃହରେ ଅତିରିକ୍ତ ଜିଲ୍ଲାପାଳ ସୁବ୍ରତ କୁମାର ନାୟକଙ୍କ ଅଧ୍ୟକ୍ଷତା ରେ ବାତ୍ୟା/ ବନ୍ୟା ପ୍ରଭାବିତ ଅଞ୍ଚଳରେ ଜଳରୁ ଉଦ୍ଧାର ନିମନ୍ତେ ଟେବୁଲ୍ ଟପ୍ ଏକ୍ସରସାଇଜ ବୈଠକ ଅନୁଷ୍ଠିତ ହୋଇଯାଇଛି ।ବାତ୍ୟା ଓ ବନ୍ୟା ଯୋଗୁ ଓଡ଼ିଶା ସର୍ବଦା କ୍ଷତିଗ୍ରସ୍ତ ହୋଇଥାଏ ଏବଂ ବିପୁଳ ଧନ ଜୀବନ ନଷ୍ଟ ହେବାର ଆଶଙ୍କା ଥାଏ।କିନ୍ତୁ ଏନ୍ ଡି ଆର୍ ଏଫ୍, ଓ ଡି ଆର୍ ଏଫ୍, ଅଗ୍ନିଶ୍ରମ,ପୋଲିସ, ପ୍ରଶାସନିକ,ସେବାକାରୀ ଦଳ ପଦକ୍ଷେପ ଯୋଗୁ ବହୁ ଧନ ଜୀବନ ଓ ପଶୁସମ୍ପଦ ରକ୍ଷା ପାଇଥାଏ । ଏହି ସମ୍ବଧୀୟ ସୁଚନା,ବନ୍ୟା/ ବାତ୍ୟା ପ୍ରଭାବିତ ଅଞ୍ଚଳରେ ଆବଶ୍ୟକ ପୂର୍ବ ପ୍ରସ୍ତୁତି, ବିପର୍ଯ୍ୟୟ ସମୟ ଓ ପଦକ୍ଷେପ ଉପରେ ଆଲୋଚନା ହୋଇଥିଲା।ଏନ୍ ଡି ଆର ଏଫ୍ ଇନ୍ସପେକ୍ଟର ଉଦିତ କୁମାର ଦିକ୍ଷିତ ବନ୍ୟା ସମୟରେ ନିରାପଦ ଉଚ୍ଚ ସ୍ଥାନ କୁ ଯିବା,ପ୍ରାଥମିକ ଚିକିତ୍ସା ଉପକରଣ,ଆବଶ୍ୟକ ଖାଦ୍ୟ ର ବ୍ୟବସ୍ଥା, ଜରୁରୀକାଳୀନ ସମସ୍ୟ ସୂଚନା ଦେବା ସଙ୍ଗେ ସଙ୍ଗେ ବନ୍ୟା ଜଳ ରୁ କିଭଳି ମୂଲ୍ୟବାନ ଜୀବନ ତଥା ପଶୁସମ୍ପଦ କୁ ବଞ୍ଚାଯାଇପାରିବ ତା ଉପରେ କହିଥିଲେ।ଆସନ୍ତାକାଲି ଭଟାଙ୍ଗପଦର ଏମ ଆଇ ପ୍ରକଳ୍ପ ରେ ଏ ସମ୍ବଧୀୟ ଉଦ୍ଧାର କୌଶଳକୁ ପ୍ରଦର୍ଶନ କରାଯିବ। ବୈଠକ ରେ ଅନ୍ୟ ଏନ୍ ଡି ଆର୍ ଏଫ୍ ଅଧିକାରୀ ବାହାଦୁର ସିଂ ରେଧୁ,ଶରତ ଚନ୍ଦ୍ର ମଲ୍ଲିକ ଙ୍କ ସହ ତହସିଲଦାର ,କଳାହାଣ୍ଡି, ଜରୁରୀ ଅଧିକାର,ଏସ ଇ, ଆର୍ ଡବ୍ଲୁ ଡି , ଏସ ଡି ଓ , ଇରିଗେଶନ , ଇ ଈ, ଓ ଏଲ ଆଇ ସି,ସି ଏସ ଓ, ଡି ଆର୍ ସି ଏସ,ସି ଡି ଭି ଓ, ଏ ଇ ଈ, ଆର୍ ଡବ୍ଲୁ ଏସ ଏସ , ଡି ଡି ଏଚ,ଡି ଆଇ ପି ଆର୍ ଓ, ଇ ଈ ,ଟି ପି ଡବ୍ଲୁ ଓ ଡି ଏଲ, ଏ ସି ଏଫ୍ ପ୍ରମୁଖ ଉପସ୍ଥିତ ରହିଥିଲେ।