ନ୍ୟୁଜ୍ ଗ୍ୟାଲେରୀ,ଧର୍ମଗଡ ବେହେରା:( ଭୂପେଶ ତିୱାରୀ)କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ବେହେରା ପଞ୍ଚାୟତ ଅନ୍ତର୍ଗତ ବାଙ୍କିମୁଣ୍ଡାରେ ଦଣ୍ଡପାଟ ଅଧିଷ୍ଠାତ୍ରୀ ଦେବୀ ଦନ୍ତେଶ୍ୱରୀ ଙ୍କ ପୀଠ ରେ ପ୍ରତିବର୍ଷ ଆଶ୍ୱିନ ଶୁକ୍ଳ ଦ୍ଵାଦଶୀ ରେ ଖଣ୍ଡା ଧୁଆ ସହ ଦଶରା ପର୍ବ ପାଳିତ ହୁଏ । ଚଳିତ ବର୍ଷ ଶନିବାର ଦିନ ଦ୍ଵାଦଶୀ ତିଥି ହେତୁ ସନ୍ଧ୍ୟା ସମୟରେ ଗ୍ରାମର ଗୋନ୍ତିଆ ଓ ପୂଜାରୀ ଙ୍କ ଘରରୁ ଦେବୀଙ୍କ ଅସ୍ତ୍ର ଶସ୍ତ୍ର ଖଣ୍ଡା ବାହାର କରି ପାଖ ବେହେରା ନଦୀ କୁ ନିଆଯାଇ ଧୌତ ପୂର୍ବକ ପୁଣି ପୂଜାରୀଙ୍କ ଘରରେ ସ୍ଥାପନ କରି ବଳି ଦିଆଯାଇଥିଲା।ରାତ୍ରିରେ ମନ୍ଦିର ସର୍ବସାଧାରଣ ଙ୍କ ପାଇଁ ଖୋଲା ଯାଇ ଭକ୍ତଙ୍କ ମାନସିକ ବଳି ଵୋଦା ରେ ପୀଠ ରକ୍ତ ରଞ୍ଜିତ ରେ ପରିଣତ ହୋଇଥିଲା ।
ରକ୍ତ ମୁଖା ଦେବୀଙ୍କୁ ଶାନ୍ତ କରିବା ପାଇଁ ଉକ୍ତ ରାତ୍ର ରେ ଦେବୀ ପୀଠ ରେ ବୀର ବାଦ୍ୟ ଘୁମୁରା ପ୍ରକମ୍ପିତ କରିବା ପ୍ରାଚୀନ ନିୟମ ରହିଛି । ଏହି ଅବସରରେ ଘୁମୁରା ର ଅନ୍ୟତମ ପ୍ରଣେତା କୁହାଯାଉଥିବା ପଣ୍ଡିତ ରୀକ୍ଷିରାମ ତିୱାରୀ ଙ୍କ ସ୍ମୃତିରେ ଘୁମୁରା ପ୍ରତିଯୋଗିତା ଆୟୋଜନ କରାଯାଇଥିଲା ।ଗ୍ରାମର ଗୋନ୍ତିଆ ଚିତ୍ତରଞ୍ଜନ ପୁଝାରୀ ଙ୍କ ସଭାପତିତ୍ବ ରେ ମୁଖ୍ୟ ଅତିଥି ଭାବରେ ବେହେରା ସମିତି ସଭ୍ୟ କିଶୋର ଚନ୍ଦ୍ର ନାଗ ଉପସ୍ଥିତ ଥିଲେ । ସମ୍ମାନୀୟ ଅତିଥି ଭାବରେ ମୂଷାପାଳି ସରପଞ୍ଚ ଅକ୍ଷୟ କୁମାର ନାଏକ,ବେହେରା ଗ୍ରାମ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ଗୌରାଙ୍ଗ ନାଗ, ପାକ୍ସ ସମ୍ପାଦକ ହେମନ୍ତ ନାଏକ,ସନ୍ଥ ନାଏକ,ଗୌର ଚନ୍ଦ୍ର ବାଗ,ଈଶ୍ୱର ଲାଲ ଅଗ୍ରୱାଲ,ମୁଖ୍ୟ ବକ୍ତା ଭାବରେ ପ୍ରଶାନ୍ତ ତିୱାରୀ, ସମ୍ପାଦକ ଭୁପେଶ ତିୱାରୀ,ପରିଚାଳନା ରେ ପ୍ରଭାତ ତିୱାରୀ,ଅଖଣ୍ଡ ମଣି ଭାରତିଆ, ବିଚାର ପତି ଭାବରେ ଦୁର୍ବଳ କାଣ୍ଡ,ପବିତ୍ର ସୁନାନି,ପ୍ରେମ କାଣ୍ଡ,ମଙ୍ଗଳୁ ପୁଝାରୀ ସମେତ ଅନ୍ୟାନ୍ୟ ସଦସ୍ୟ ସହଯୋଗ କରିଥିଲେ । ୯ଟି ଘୁମୁରା ଦଳ ପ୍ରତିଯୋଗିତାରେ ଭାଗ ନେଇଥିବା ବେଳେ କଦଲିମୁଣ୍ଡା ର ମା ଷୋହଳ କୋଟି କଳା ପରିଷଦ ପ୍ରଥମ, କାଶୀ ବାହାଳ ଦ୍ଵିତୀୟ ଓ ମାଲ ପଡା ର ମା ପେନ୍ଦ୍ରାଣୀ ଘୁମୁରା ଦଳ ତୃତୀୟ ପୁରସ୍କାର ବିଜେତା ହୋଇଥିଲେ।କ୍ଳବ୍ ର ସଦସ୍ୟ ଉଜ୍ବଳ ସିଂହ ପୁଝାରୀ, ଟ୍ରିଲୋକ୍ୟ ପୁଝାରୀ, ଯୁଗେଶ୍ୱର୍ ମଶ୍ରା,ନନ୍ଦ କିଶୋର ସୋନୀ, ଯୁଗେଶ୍ୱର ପୁଝାରୀ,ରୁକମନ୍ ପୁଝାରୀ ତଥା ଅନ୍ୟାନ୍ୟ ସଦସ୍ୟ ସହଯୋଗ କରିଥିଲେ ।
Latest entries
ଜିଲ୍ଲା ଖବରJanuary 16, 2026ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ଯୁବ-ଛାତ୍ର ବିଜେଡିର ସାମ୍ବାଦିକ ସମ୍ମିଳନୀ
ଜିଲ୍ଲା ଖବରJanuary 15, 2026ମା ମାଣିକେଶ୍ୱରୀ ମନ୍ଦିର ରୁ ବାହାରିଲା ମଶାଲ ଯାତ୍ରା
ଜିଲ୍ଲା ଖବରJanuary 13, 2026୨୮ତମ କଳାହାଣ୍ଡି ଉତ୍ସବ ଘୁମୁରା-୨୦୨୬ ଉପଲକ୍ଷେ ଜିଲ୍ଲା ସ୍ତରୀୟ ବ୍ୟାଡ଼ମିଣ୍ଟନ ଖେଳ ପ୍ରତିଯୋଗିତା
ଜିଲ୍ଲା ଖବରJanuary 12, 2026କବି ବିରଞ୍ଚି ନାରାୟଣ ଦରୱାନଙ୍କ କବିତା ବହି “ସାରା ଆକାଶ ତମର” ଲୋକାର୍ପିତ
