କେସିଙ୍ଗା ବିଦ୍ୟୁତ ଶ୍ରମିକ କର୍ମଚାରୀ ଏକତା ମଞ୍ଚ ତରଫରୁ କେସିଙ୍ଗା ଓପିଟିସିଏଲ ସମ୍ମୁଖରେ ବିକ୍ଷୋଭ ପଦର୍ଶନ

କଳାହାଣ୍ଡି:କେସିଙ୍ଗା,(ତୁମେଶ୍ୱର ସାହୁ)କେସିଙ୍ଗା ବ୍ଲକ ଓ ଏସ ଇ ବି କର୍ମଚାରୀ ଫେଡେରେସନ ନିଖିଲ ଓଡ଼ିଶା ବିଦ୍ୟୁତ୍ ଶ୍ରମିକ ମହାସଂଘ କେସିଙ୍ଗା ପକ୍ଷରୁ ବିକ୍ଷୋଭ ଓ ଗଣ ଧାରଣା ଦିଆଯାଇଥିଲା। ପଶ୍ଚିମ ଓଡ଼ିଶା ବିଦ୍ୟୁତ୍ ମହାସଂଘ କୁ ନେଇ ଗଠିତ ଏକତା ମଞ୍ଚ ଡାକରାରେ ବିଭିନ୍ନ ଦାବୀ ନେଇ ଗତ ୮ ତାରିଖ ମଙ୍ଗଳବାର ଠାରୁ ଆନ୍ଦୋଳନ ଜାରି ରହିଛି। ଏ ହି କ୍ରମରେ ଗୁରୁବାର ତୃତୀୟ ଦିନ ବିଦ୍ୟୁତ୍ କ୍ଷେତ୍ର ର ସମସ୍ତ କର୍ମଚାରୀ କଳା ବେଚ ପିନ୍ଧି ଶାନ୍ତି ପୂର୍ଣ୍ଣ ଭାବରେ କେସିଙ୍ଗା ସ୍ଥିତ ଗ୍ରିଡ କଣ୍ଟ୍ରୋଲ ରୁମ୍ ତଥା ଓପିଟିସିଏଲ୍ ଡିଭିଜନ ସମ୍ମୁଖ ରେ ଅନିର୍ଦ୍ଦିଷ୍ଟ କାଳଯାଏ ବିକ୍ଷୋଭ ପ୍ରଦର୍ଶନ କରାଯାଇଛି।ବିଦ୍ୟୁତ୍ କ୍ଷେତ୍ର ରେ କାର୍ଯ୍ୟରତ ବିଭିନ୍ନ ଦାବୀ ଓ ସମସ୍ୟା କୁ ଏକତା ମଞ୍ଚ ଅଧିକାରୀ ମାନଙ୍କ ସହ ବାରମ୍ବାର ଆଲୋଚନା ହୋଇଥିଲେ ମଧ୍ୟ କୌଣସି ସମାଧାନ ନ ହେବାରୁ ଏହି ଆନ୍ଦୋଳନ ସମଗ୍ର ଓଡ଼ିଶା ରେ ଗତ ୯ ତାରିଖ ରୁ ଆରମ୍ଭ ହୋଇଛି।

ଆସନ୍ତା ୧୫ ତାରିଖ ସୁଦ୍ଧା କର୍ମଚାରୀ ମାନଙ୍କ ସମସ୍ୟା ସମାଧାନ ନ ହେଲେ ୧୬ ତାରିଖ ଠାରୁ ଓପିଟିସିଏଲ୍ ମୂଖ୍ୟ କାର୍ଯ୍ୟାଳୟ ଭୁବନେଶ୍ୱର ଠାରେ ଘେରାଉ ଓ ବିକ୍ଷୋଭ ପ୍ରଦର୍ଶନ କରାଯିବ ବୋଲି ଏକତା ମଞ୍ଚ ତରଫରୁ ସୂଚନା ମିଳିଛି ।କର୍ମଚାରୀ ମାନଙ୍କ ବିଭିନ୍ନ ଦାବୀ ମଧ୍ୟରୁ ମୁଖ୍ୟତଃ ସମସ୍ତ ଦରମାଗତ ସମସ୍ୟା ଦୁରକରିବା,୨୮୩୦ ଏବଂ ୩୩୩୦ ଗ୍ରେଡ ପେ ସମ୍ପୂର୍ଣ୍ଣ ଉଚ୍ଛେଦ କରିବା ନୂତନ ମଜୁରୀ ନିର୍ଦ୍ଧାରଣ ୦୧-୦୪-୨୦୨୦ ଠାରୁ ଲାଗୁ କରିବା ଇତ୍ୟାଦି।ଆଜିର ଏହି ତୃତୀୟ ଦିନ ବିକ୍ଷୋଭ ପ୍ରଦର୍ଶନ ରେ ପୂର୍ଣ୍ଣ ଚନ୍ଦ୍ର ମାଝୀ,ଦୂର୍ଗା ମାଧବ ପଣ୍ଡା,ମନୋଜ କୁମାର ସାହୁ,ମିତ୍ରଭାନୁ ମୋଲାନା,ବିଶ୍ୱଜିତ୍ ମହଲା,ସୁବ୍ରତ ସାହୁ,ଅମିତ୍ ସାହୁ,ଶରତ ନାୟକ,ସରୋଜ ପ୍ରଧାନ,ଶ୍ରୀକାନ୍ତ ମଲାନା ପ୍ରମୁଖ ଉପସ୍ଥିତ ରହିଥିଲେ l